Тӧрыт Паль сиктса библиотекаын прӧйдитIс ещӧ ӧти шоныд коми рыт-казьтылӧм, кодӧс вӧлi сиӧма коми гижысь Иван Ильич Белыхлы. Пальӧ волiсны коми гижысьяс: гижысь котырӧн веськӧдлысь Елена Козлова, "Би кинь" журналлӧн главнӧй редактор, кывбуралысь Алёна Нестерова (Старцева), коми гижысь, кывбуралысь, журналист Елена Афанасьева.
Медводз ветлiм ракадорӧ, пуктiм чвет Иван Ильич гу вылас.
А сэсся клубын чукӧртчылiсны Пальса олӧма йӧз, волiсны тшӧтш Мария Ильинична чойыс, ӧти классын велӧдчысь Ангелина Потолицына, лыддьысьсысьяс. И сёрнитiм-варовитим, казьтылiм, видзӧдiм видео. Гижысьяс лыддисны ассьыныс кывбуръяс, кодъяс зэв ёна кажитчисны чукӧртчӧмаяслы. Юим тшай...
И ӧд кымынысь нин эг чукӧртчылӧй татшӧм рыт вылас, век меным юрӧ воӧ ӧти мӧвп: кутшӧм ёна Белых семьяын радейтiсны лыддьысьны. Газет-журналтӧ эькӧ век нин унаысь-уна судзӧдiсны, да и небӧгъясыс гортас кык воклӧн - Иван да Алексейлӧн - век вӧлi библиотекаын моз чукӧртӧма - шкапъяс тыр! А батьыс, Илья Сиверьянович, рытъяснас, кор суседъяс волывлiсны рытпук вылӧ, тшӧкыда босьтлывлiс киас книга да гораӧ лыддис, а ставыс кывзiсны!..
Ёна сьӧлӧм вылӧ воис тайӧ рытыс и гӧстьяслы, и пальсаяслы.
Кутшӧм небыд, вежавидзысь да шань вӧлi Иван Ильичыс, сэтшӧм жӧ чукртчылӧмыс артмис. Сьӧлӧм вылын мыйлакӧ долыд весигас лоис, бытььӧкӧ гижысьыскӧд аскӧдыс аддзысьлiм...
Информацию подготовила Тырина Е.М., заведующая Палевицкой библиотекой - филиалом.
