Татшöм ышöданкыв улын Сыктывдiн районса Шöр библиотека да Удораса Благоев посёлокса небöгаин аддзысьлiсны юр-вем жуглан онлайн-ворсöм вылын, тадзи öтув пасйим коми кыв да гижöд лун. Ок и жар вöлi ордйысьöм «Удораса аньяс» да «Шондiбан» командаяс костын!
«Жуглам юр!», «А збыль али мый!», «Рöдвуж пас» да «Коми кыв ме тöда» темаяс серти дасьтöм кызь юалöм вылö вочавидзöмъяс, дерт, аддзысисны, кöть и лои неуна мöвпалыштны да артасьыштны, шуам, кымын километра пырö чомкостö, кыдзи увтчö коми пон, кутшöм лун шуöны порсь юр-кок вильöдан лунöн, кодi сiйö тöвйыв морт. А бöрвылас на и сьывны слöймим öтвылысь – «Маръямольтö» горöдлiм.
А вермысьнас лоины «Удораса аньяс», чолöмалам!
Аттьöалам ворсöмысь Благоевский городской филиал Удорской ЦБС библиотекаын уджалысьясöс да лыддьысьысясöс!
